Adkregiñ a ra an abadennoù Kan ba’n dañs en diskar-amzer-mañ e SMAT Kemper (Skol muzik hag arz an teatr).
Buhezet e vez an abadennoù gant Jean-Luc Le Mouel (dastumer ha kaner a-vicher). Dek abadenn div eurvezh a vo ar bloaz-mañ da 6e30 noz er sal Ravel :
Ar blijadur da ganañ en ur zañsal a-stroll en ur strollad a dregont den. Un doare da dostaat war bouez ouzh ar c’han, ar brezhoneg hag an dañs pe da c’houzout hiroc’h war an tachennoù-se. N’eus rakrekiz ebet da gaout.
E kevredigezh hengounel Breizh e kemer perzh ar c’hanerien e dañs-tro an dañsourien ha diouzh an tiriad e c’hell kanañ ivez an holl zañsourien. Tamm ha tamm o deus ar balioù gwanaet an eskemmoù soutil etre an ton, an testenn ha an dañs a oa anezhe gwechall er rondoù nes-se. Gant an heuliad-se e vez kinniget d’ar re a zo dedennet gant ar sonerezh, ar c’han pe an dañs adkavout diazezoù ar pleustr-mañ ha kompren e arvezioù n’haller ket digevredañ an eil re diouzh ar re all.
Digor eo an enskrivadurioù d’an holl. Priz evit dek abadenn : 63 €.
Graet e vo an enskrivadurioù e-pad an abadenn gentañ. Tu ‘zo ivez hag erbedet eo mirout e blas dre bostel gant Christian Faucheur, kenurzhier rann sonerezh hengounel ar skol muzik : christian.faucheur@quimper.bzh.
Evit kemer perzh en abadennoù Kan ba’n dañs eo ret doujañ ouzh ar reolennoù yec’hedel e talvoud.