Krouet e vez Gant Ti-Kêr Kemper ar bodad trakêr kentañ gouestlet d’ar brezhoneg.

E kreiz hor raktrez politikel emañ lakaat ar geodedourien hag aktourien ar vro. Krouiñ ar bodad trakêr-mañ a zo un elfenn a bouez eus ur politikerezh hollek demokratelezh -perzhiañ ha divizadeg. Tu zo ober kement-mañ diwar ar mellad L.2121-22 kod hollek ar strollegezhioù lec’hel. Ma c’hell ar bodadoù trakêr reiñ alioù hag ober kinnigoù, ez eo ar c’huzul-kêr a rank divizout.

Kevrediñ ar geodedourien, klask o skiant-prenet, lakaat an diviz etre an dilennidi hag ar geodedourien da vezañ bev dre an demokratelezh lec’hel , setu palioù ar bodadoù trakêr.

N’eo ket dre zegouezh eo gouestlet an hini kentañ d’ar brezhoneg. Kreñv eo an engouestloù politikel war an dachenn-mañ, gant ar volontez d’en em harpañ war nerzhioù bev an tiriad evit diorren ha lakaat da skediñ ar brezhoneg. A-hed ar respet, e c’hello neuze an dilennidi hag ar c’hevredigezhioù lec’hel kemer perzh er preder hag en ober evit skignañ ha talvoudekaat ar brezhoneg e buhez ker Gemper.

E kerzh un emvod dalc’het e penn kentañ miz Du, an dilenndidi hag ar c’hevredigezhioù o deus gellet termeniñ an doareoù labour etre an ti-kêr hag aktourien ar brezhoneg.
Ar palioù kentañ termenet o vezañ :

• Kinnig obererezhioù d’an ti-kêr evit tizhout al live 3 karta « Ya d’ar brezhoneg »
• Sevel ur steuñv yezhel evit kêr Gemper

Roll labour an emvodoù hag an temoù studiet a vo dibabet a-stroll.
Rakjedet e vez 5 emvod labour bep bloaz.

Ar bodad trakêr a labouro evit ober kinnigoù war an tachennoù da heul :

• ar c’helaouiñ
• ar panellerezh batimantoù hag hentoù
• an diorren kelenn divyezhek ;
• bed ar vugaligoù ;
• an dudi e brezhoneg .
• stummadur an implijidi

Izili kentañ ar bodad , dilennidi ha kevredigezhioù a zo :

Dilenn.idi .azed Kêr Gemper :

• Nabila Prigent : Eilmaerez karget eus ar vuhez sokiosevenadurel, buhez ar c’hevredigezhioù, ar brezhoneg hag implij an niverel
• Anna-Vari Chapalain : Kuzulierez-kêr dileuriet evit ar brezhoneg hag al liesseurted
• Nadine Urvois : Kuzulierez-kêr dileuriet evit sevenadur Breizh ;
• Uisant Créquer : Eimaer karget eus an adneveziñ demokratel, ar c’hoskor hag an diviz sokial.
• Marc Andro : Kuzulier-kêr dileuriet evit sturiañ ar politikerezhioù publik, bez prezidant KBI karget eus dedenn ar c’horn-bro, al lusk e Kerne, eus bevaat ar gumuniezh hag eus ar brezhoneg.
• Gilbert Hascoët, kuzulier kêr
• Karim Gachem : kuzulier kêr

Kevredigezhioù :

• Ti ar Vro : Noémie Delaye, présidantez ha David Ansquer, rener ;
• Diwan Kemper : Yann Guillamot ha Bruno Boisrobert ;
• Div Yezh Kemper : Laëtitia Kergoat ha Ronan Leroy ;
• Kevre Breizh : Tangi Louarn ;
• Eveljust : Alan Foricher ;
• Bannoù Heol : Arno Elegoet ;
• Mervent : Yannig Menguy.
• Bagad Kemper : Telo Mell

Al listenn n’eo ket klok hag e c’hello ar bodad trakêr degemer dilenn.idi.adezed ha kevredigezhioù all dedennet da gemer perzh. An eil maered ha kuzulierien, kuzuliadezed dileuriet gant kargoù resis a vo pedet d’an emvodoù a bledo gant tachennoù dindan o c’hiriegezh .

Ker Gemper ha Kemper Breizh Izel o deus kroget meur a vloaz zo war hent diorren ha talvoudekaat ar brezhoneg. Evit kadarnaat ar volontez se ez eo bet divizet heuilhañ ar garta « Ya d’ar Brezhoneg » bet sinet gant Ofis publik ar Brezhoneg.

Tizhet eo bet al live 2 e 2015 a drugarez da oberezhioù talvoudekaat ar brezhoneg war dachenn ar gêr hag er vuhez foran dre :

• Ar c’helouiñ ofisiel an ensavadurioù Kêr ha Tolpad kumunioù ,
• An anvioù straed evit kêr Gemper ,
• Panellerezh ar batimantoù, kirri an ti-kêr hag an tolpad kumunioù
• An treuzdougen kêr.

Pal en dazont evit an ti-kêr ha Kemper Breizh Izel : tizhout ha sinañ live 3 ar garta